Póstlistar
Hjálp
Loka valmynd

Advania Tollkerfi

Traust lausn fyrir flókið regluverk

Tollafgreiðsla á innfluttum vörum

Tollafgreiðsla
Fyrirtæki sem flytja vörur til landsins skulu greiða af þeim aðflutningsgjöld í samræmi við ákvæði tollskrár. Með því að nota Advania Tollkerfi í F&O er hægt að stofna aðflutningsskýrslur sem uppfylla kröfur yfirvalda.
Einföld skráning
Advania Tollkerfi er samtengt öðrum kerfiseiningum F&O sem lágmarkar handinnslátt og flýtir fyrir stofnun. Við bókun á tollskýrslu eru innkaup reikningsfærð og kostnaðarverð á vörum uppfært.
Upplýsingar í rauntíma
Upplýsingar um stöðu tollskýrslu, svör frá tollstjóra, álögð gjöld og verðútreikning eru aðgengilegar í rauntíma. Ferlið frá stofnun tollskýrslu til bókunar hennar er einfalt og fljótlegt.
Rafræn samskipti
Advania Tollkerfi í F&O býður upp á rafræn samskipti, EDI, við tollayfirvöld á Íslandi. Tollskýrslur eru sendar úr F&O til tollafgreiðslu og svör vegna tollskýrslu berast frá Skattinum til baka inn í F&O og uppfæra tollskýrsluna.

Advania Tollkerfi

Tenging er á milli Tollkerfis og annarra kerfiseininga innan F&O sem tryggir að ekki þarf að tvískrá upplýsingar. Tollskýrslur eru tengdar innkaupapöntunum og vöruskrá auk þess að halda utan um tengdan kostnað. Notandi er leiddur í gegnum nauðsynleg skref við útfyllingu tollskýrslu. Grunnuppsetning tollkerfis og tollskrá tryggja villuleit og útreikning tolla/gjalda.

Við bókun tollskýrslu er kostnaði ásamt tollum og gjöldum dreift á vörur sendingarinnar og rétt birgðavirði innhreyfinga þannig tryggt.

Við bókun á tollskýrslu eru innkaup reikningsfærð, kostnaður gjaldfærður og kostnaðarverð á vörum uppfært.

Heildarkostnaður

Viðbótartenging er til frá tollkerfinu við stöðluðu kerfiseininguna Heildarkostnaður innan Dynamics 365 SCM. Með virkjun á þessari tengingu er hægt að halda utan um ferðir skipa og gáma í ferðum. Innihald gáma í sendingu er þá þekkt, hægt er að halda utan um stöðu á gámum, flutning á þeim og móttöku. Með þessari viðbót er aukið yfirlit yfir vörur á leið í móttöku, auðvelt að rekja stöðu og staðsetningu gáma og halda utan um mismun í móttöku.

Almennt

Advania Tollkerfi í F&O er vottað af yfirvöldum og er uppfært reglulega miðað við breytingar á reglugerðum og lögum um tollafgreiðslu. Markmið okkar er að einfalda skráningu sendinga og auðvelda vinnu viðskiptavina okkar. Starfsmenn Advania hafa áratuga reynslu af þróun og þjónustu við tollkerfi.

Viltu vita meira?

Tölum saman

Viltu vita meira? Sendu okkur fyrirspurn.