Við sóttum Dynamics Minds 2026 í Portorož

Við fórum fjögur sem fulltrúar Advania  á ráðstefnuna.  Við nýttum ráðstefnudagana til að dýpka þekkingu okkar og fylgjast með nýjustu straumum hjá Microsoft og samstarfsaðilum. Ráðstefnan sjálf og viðburðir tengdir gáfu gott tækifæri til að mynda ný tengsl og efla núverandi tengslanet innan Dynamics-heimsins. Utan ráðstefnutíma nutum við fallegs umhverfis og góðs veðurs.

Á ráðstefnunni var lögð áhersla á þróun í kringum gervigreind og hvaða stefnu Microsoft er að taka til að styðja við notendur Dynamics 365 og samstarfsaðila sína. Þá var einnig mikið rætt um prófanir og sjálfvirknivæðingu þeirra í núverandi umhverfi sem uppfært er reglulega. Fjölmargar áhugaverðar kynningar fóru yfir hvernig fyrirtæki geta nýtt sér:

• Copilot Cowork (stafrænan vinnufélaga) frá Microsoft.
• Betri innsýn með gagnagreiningu og AI.
• Lausnir sem auka skilvirkni í rekstri, prófunum og í innleiðingum.

Einnig mátti sjá margar áhugaverðar viðbætur við Dynamics 365 F&O sem geta nýst mismunandi þörfum fyrirtækja.

Einn stærsti ávinningur ráðstefnunnar var tækifærið til að hitta annað fagfólk úr greininni. Slíkir viðburðir skapa vettvang fyrir samtal um raunverulegar áskoranir, lausnir og reynslu sem nýtist beint í verkefnum hjá viðskiptavinum.

Við áttum góð samtöl við samstarfsaðila og framleiðendur lausna, fengum innsýn í komandi þróun og deildum okkar eigin reynslu úr verkefnum.

Þátttaka í ráðstefnum sem þessum er mikilvægur hluti af því að tryggja að við séum ávallt með nýjustu þekkingu og getum veitt viðskiptavinum okkar bestu mögulegu ráðgjöf og lausnir.

Við komum heim með nýjar hugmyndir, aukinn innblástur og skýrari sýn á hvernig við getum haldið áfram að byggja upp öflugar framtíðar Dynamics 365 lausnir.